Ammuchi 2 Review

ஏற்கனவே வெளியாகியிருந்த அம்முச்சி சீசன் 1 மாதிரியான கதைக்களம் கொண்டதுதான் இந்த அம்முச்சி சீசன் 2

அம்முச்சி சீசன் 2 – கதாநாயகன் தனது பாட்டி ஊருக்கு செல்கிறான் அங்கு ஒரு பெண்ணை பார்க்கிறான் காதலிக்கிறான் ஒருதலை காதல் சில நாட்களில் இருவருக்கும் காதல் மலர்கிறது பிறகு இருவரும் காதலிக்கிறார்கள் கதாநாயகிக்கோ நாம் இந்த கிராமத்திலிருந்து வெளியூர் சென்று நன்றாக படிக்க வேண்டும் என்ற ஆசை உண்டு ஆனால் அதில் ஒரு சிக்கல் ஏற்படுகிறது, கதாநாயகியின் தந்தை மோசமான குடிகாரர் மற்றும் அவர் சொல்லும் பையனை தான் கதாநாயகி திருமணம் செய்ய வேண்டும் என்ற எண்ணம் இருக்கிறது இப்படி பட்ட சூழலில் மாட்டிக்கொண்ட கதாநாயகன் கதாநாயகியின் தந்தையை எப்படி சமாளித்தார் பிறகு கதாநாயகியின் ஆசையை நிறைவேற்றுகிறாரா என்பதுதான் மீதி கதை அம்முச்சி சீசன் 2 ஆஹா தமிழ் ஓடிடி தளத்தில் 17. 06.2022 இன்று வெளியாகியுள்ளது 

சுதந்திரத்தைப் பயன்படுத்தி தமிழ்நாட்டின் கொங்குவட்டார மக்களின் வாழ்க்கையை மையமாக வைத்து ஓர் அழகான காதல்கதையைச் சொல்லியிருக்கும் படம்தான் அம்முச்சி 2.

தலைப்பில் வரும் அம்முச்சியாக நடித்திருக்கும் சின்னமணி அம்மாளின் தோற்றமும் அவருடைய உரையாடல்களும் சிலிர்க்க வைக்கின்றன.

அவருடைய மகனாக நடித்திருக்கும் பிரசன்னா பாலசந்திரனுக்கு இது பொற்காலம் போலும். தமிழின் ஆகச்சிறந்த படங்களில் ஒன்றாக வந்திருக்கும் சேத்துமான், இந்தத் தொடர் அதன்பின் சுழல் தொடர் என்று எங்கு பார்த்தாலும் அவர் இருக்கிறார். சிறந்த நடிப்பில் நம்மைக் கவர்ந்திழுக்கிறார். மனைவிக்கும் அவருக்குமான காட்சிகள் தரமானவை.

கதையின் நாயகனாக வரும் அருண், அவருடைய சகா சசி,, நாயகி மித்ரா, வில்லனாக வரும் ராஜேஷ்பாலசந்திரன், நாயகனின் அம்மா தனம், பிரசன்னாவின் மனைவியாக வரும் சாவித்திரி உள்ளிட்ட அனைவருமே பொருத்தமாக இருக்கிறார்கள்.

சந்தோஷ்குமார் எஸ்.ஜே வின் ஒளிப்பதிவு கொங்குவட்டார கிராமத்தின் அழகை அப்படியே காட்சிப்படுத்தியிருக்கிறது.

விவேக் சரோவின் இசை காட்சிகளுக்குப் பலம் சேர்த்திருக்கிறது.

இத்தொடரை இயக்கியிருக்கும் ராஜேஷ்வர் காளிசாமிக்கு நல்ல எதிர்காலம் இருக்கிறது. 
ஒரு வட்டார வாழ்க்கையை அப்படியே பதிவு செய்திருப்பது அவருடைய பலம். அருண், மித்ரா காதல்காட்சிகள் ஓரிரு காட்சிகள்தாம் என்றாலும் அருமை.

காதல் கதையை வைத்துக்கொண்டு இன்னமும் பழமைவாதம் மாறாத ஒரு கிராமத்துப் பெண் உயர்கல்வி படிப்பதில் உள்ள சிக்கல்களைச் சொல்லியிருப்பதும், கல்லூரி விண்ணப்பப்படிவத்தில் டாக்டர் அனிதா கல்லூரி என்று வைத்திருப்பதும் சிறப்பு.

Rating : 3/5