Introduction

ஒரு அரிய மரத்தை புகைப்படம் எடுப்பதற்காக மேற்குத் தொடர்ச்சி மலை வனப்பகுதிக்குள் செல்லும் புகைப்படக் கலைஞர், எதிர்பாராத விதமாக ஆபத்தான காட்டுக்குள் சிக்கிக்கொள்கிறார். அங்கிருந்து உயிருடன் வெளியேற அவர் எதிர்கொள்ளும் போராட்டத்தையும், மர்மங்களையும், உளவியல் ரீதியான பாதிப்புகளையும் கலந்து சொல்லும் திரைப்படம் ‘போட்டோகிராபர்’.

Storyline

புகைப்படக் கலைஞரான அஷ்ரப், இதுவரை யாரும் கண்டிராத ஒரு அரிய மரத்தை புகைப்படம் எடுக்கும் நோக்கத்துடன் காட்டுக்குள் பயணிக்கிறார்.

ஆனால் வழிதவறி, இதற்கு முன் சென்றவர்கள் யாரும் திரும்பி வராத ஆபத்தான வனப்பகுதிக்குள் சிக்கிக்கொள்கிறார். அங்கிருந்து வெளியேற முடியாமல் தவிக்கும் அவர், இயற்கையின் ஆபத்துகள் மட்டுமின்றி பல மர்மமான மற்றும் உளவியல் ரீதியான சூழல்களையும் எதிர்கொள்கிறார்.

அந்த மரத்தை அவர் கண்டுபிடித்தாரா? காட்டிலிருந்து உயிருடன் தப்பித்தாரா? என்ற கேள்விகளை மையமாக வைத்து கதை நகர்கிறது.

Performance Highlights

படத்தின் மிகப்பெரிய பலம் அஷ்ரப்பின் நடிப்பு.

கதை எழுதி, இயக்கி, கதாநாயகனாகவும் நடித்திருக்கும் அவர், முழு படத்தையும் பெரும்பாலும் தனியாகவே சுமக்கிறார். குறிப்பாக இரண்டாம் பாதியில் பயம், குழப்பம், பதற்றம், உயிர் பிழைப்பதற்கான போராட்டம் என பல்வேறு உணர்வுகளை நன்றாக வெளிப்படுத்துகிறார்.

முதல் பாதியில் அவரது நடிப்பு சில இடங்களில் சற்று ஓவர் டோஸ் போல தெரிந்தாலும், இரண்டாம் பாதியில் அவரது performance சிறப்பாக மாறுகிறது.

கருணாகரன் தனது இயல்பான நடிப்பால் கவனம் ஈர்க்கிறார். உறியடி சிவாவும் தனது கதாபாத்திரத்திற்கு நியாயம் செய்திருக்கிறார்.

ஆடுகளம் நரேன் அனுபவமான நடிப்பால் படத்திற்கு பலம் சேர்க்கிறார். தேவி மகேஷின் அம்மா கதாபாத்திரமும் அளவான நடிப்பால் கவர்கிறது. அனனி சுவாமிநாதன் குறைவான காட்சிகளில் வந்தாலும் நிறைவாக நடித்திருக்கிறார்.

Technical Brilliance

காட்டின் அமைதியையும், ஆபத்தையும் காட்சிப்படுத்த ஒளிப்பதிவாளர் ரயீஷ் அஹ்மத் முயற்சி செய்திருக்கிறார்.

சில காட்சிகளில் காட்டின் இயற்கை அழகும், கதாநாயகனின் தனிமையும் நன்றாக பதிவு செய்யப்பட்டுள்ளது.

ராஜ்குமார் சந்திரசேகரனின் பின்னணி இசை படத்தின் முக்கியமான technical plus. குறிப்பாக இரண்டாம் பாதியில் கதாநாயகன் தனியாக பயணிக்கும் காட்சிகளில் பின்னணி இசையும், வித்தியாசமான ஒலிகளும் suspense-ஐ அதிகரிக்கின்றன.

படத்தொகுப்பாளர் ஆர்.சி. பிரணவ், இரண்டாம் பாதியில் படத்தின் வேகத்தை அதிகரித்து, சில எதிர்பாராத திருப்பங்களை சரியான இடத்தில் கொடுத்திருக்கிறார்.

Direction and Production

இயக்குநர் அஷ்ரப், ஒரு புகைப்படக் கலைஞரின் காட்டுப் பயணத்தை வெறும் survival thriller ஆக மட்டும் சொல்லாமல், மர்மம், திகில், சாகசம் மற்றும் உளவியல் ஆகியவற்றுடன் இணைக்க முயற்சித்திருக்கிறார்.

குறிப்பாக இரண்டாம் பாதியில் இயற்கை, அம்மா–மகன் சென்டிமெண்ட் மற்றும் அதனால் ஏற்படும் உளவியல் தாக்கம் ஆகியவற்றை இணைத்த விதம் சுவாரஸ்யத்தை உருவாக்குகிறது.

ஆனால் முதல் பாதியில் கதை தொடங்குவதற்கே அதிக நேரம் எடுத்துக்கொள்வது படத்தின் வேகத்தை பாதிக்கிறது.

Plus

• அஷ்ரப்பின் நடிப்பு
• இரண்டாம் பாதியின் வேகம்
• கருணாகரனின் இயல்பான performance
• ஆடுகளம் நரேனின் அனுபவமான நடிப்பு
• சுவாரஸ்யமான survival concept
• மர்மம் மற்றும் உளவியல் கலந்த திரைக்கதை
• பின்னணி இசை மற்றும் sound design
• எதிர்பாராத சில திருப்பங்கள்
• அம்மா–மகன் சென்டிமெண்ட்
• தனிமனித போராட்டத்தை மையமாக்கிய அணுகுமுறை

Minus

• முதல் பாதி மிகவும் மெதுவாக நகர்கிறது.
• கதைக்குள் செல்வதற்கு அதிக நேரம் எடுத்துக்கொள்கிறது.
• சில காட்சிகள் நேரத்தை கடத்துவதற்காக திணிக்கப்பட்டது போல் தெரிகிறது.
• பகல் நேரக் காட்சிகள் அதிகமாக இருப்பதால் காட்டின் திகில் முழுமையாக எடுபடவில்லை.
• அடர்ந்த வனப்பகுதி போன்ற உணர்வு சில காட்சிகளில் இல்லை.
• கிராபிக்ஸ் காட்சிகள் எதிர்பார்த்த அளவுக்கு மிரட்டவில்லை.
• படத்தை ரசிக்க பொறுமை தேவை.

Final Thoughts

‘போட்டோகிராபர்’ ஒரு வித்தியாசமான survival thriller முயற்சி.

ஒரு புகைப்படக் கலைஞரின் தனிமையான காட்டுப் பயணத்தை மையமாக வைத்து, அதற்குள் மர்மம், திகில் மற்றும் உளவியல் அம்சங்களை சேர்த்திருப்பது படத்தின் சுவாரஸ்யமான முயற்சி.

முதல் பாதியின் மெதுவான திரைக்கதை மற்றும் சில technical shortcomings படத்திற்கு தடையாக இருந்தாலும், இரண்டாம் பாதியில் படம் வேகம் பிடித்து பார்வையாளர்களை கதைக்குள் இழுத்துச் செல்கிறது.

அஷ்ரப்பின் நடிப்பு, கருணாகரன் மற்றும் ஆடுகளம் நரேனின் performances, பின்னணி இசை மற்றும் சில எதிர்பாராத திருப்பங்கள் படத்திற்கு பலம்.

ஆனால் இது அனைத்து தரப்பு ரசிகர்களையும் உடனடியாக கவரும் திகில் திரைப்படம் அல்ல. மெதுவான முதல் பாதையை கடந்து பொறுமையாகப் பார்த்தால் இரண்டாம் பாதையில் ஒரு சுவாரஸ்யமான survival experience கிடைக்கிறது.

மொத்தத்தில், ‘போட்டோகிராபர்’ — சில இடங்களில் Focus குறைந்தாலும், முயற்சியில் Out of Focus இல்லை!

Open Mic Suresh Rating ⭐⭐⭐/5